Cyfrifon Blasu: Canllaw Cyflym

Mae Cyfrif Blasu yn gadael i chi gael golwg ar I Bawb a rhoi cynnig ar nodweddion allweddol cyn tanysgrifio.

Mae’n rhad ac am ddim, ac nid oes terfyn amser ar ba mor hir y gallwch gael y cyfrif.

Mae’r canllaw hwn yn egluro beth sydd ar gael i chi gyda Chyfrif Blasu a sut mae dechrau arni.

Beth allwch chi ei wneud gyda Chyfrif Blasu

Gyda Chyfrif Blasu, gallwch wneud y canlynol:

1. Ychwanegu aelodau’r tîm at eich Sefydliad.
2. Cael golwg ar sampl o’n Safonau Hygyrchedd.
3. Cael rhagor o wybodaeth am ein Cynnig Sgiliau a Chymorth.
4. Creu un proffil mynediad Lleoliad (ni fydd hwn yn cael ei restru’n gyhoeddus).
5. Cael cymorth ac arweiniad gan Ganolfan Gymorth I Bawb.
6. Rhannu eich adborth.

Ychwanegu aelodau tîm

Yn aml, mae nifer o bobl mewn sefydliad yn rheoli gwybodaeth am hygyrchedd.

Gallwch wahodd cydweithwyr i ymuno â’ch Cyfrif Sefydliad er mwyn i chi allu gweithio gyda’ch gilydd mewn un lle.

I ychwanegu aelod o’r tîm:

1. Agorwch y Sefydliad rydych chi am ei reoli.
2. Dewiswch Rheoli’r Sefydliad hwn.
3. Ewch i Gosodiadau cyfrif y Sefydliad.
4. Dewiswch Rheoli cyfrifon staff.

I gael rhagor o wybodaeth, ewch i’r Dudalen gymorth Ychwanegu aelodau eich tîm.

Edrych ar y Safonau Hygyrchedd

Mae Safonau Hygyrchedd I Bawb yn ganllawiau ymarferol sydd wedi’u cynllunio i helpu sefydliadau creadigol a diwylliannol i wella hygyrchedd a chyfleu gwybodaeth am fynediad yn glir.

Mae’r Safonau wedi’u trefnu’n bedair elfen:

• Yr Amgylchedd Adeiledig
• Gwasanaeth i Gwsmeriaid
• Cyfathrebu Digidol
• Profiadau Creadigol a Diwylliannol

Gyda Chyfrif Blasu, gallwch weld dwy Safon enghreifftiol:

• Amgylchedd Adeiledig 5.01 a Thoiledau
• Gwasanaeth i Gwsmeriaid 4.01 - Hyfforddiant a datblygu sgiliau

Bydd yr enghreifftiau hyn yn eich helpu i ddeall strwythur y Safonau a sut y gallant gefnogi eich Sefydliad.

Sgiliau a Chymorth

Creu proffil mynediad Lleoliad

Mae proffil mynediad lleoliad yn caniatáu i chi gofnodi a rheoli gwybodaeth mynediad ar gyfer lleoliad neu safle.

Mae lleoliad yn adeilad neu’n safle cyfan, gyda’i gyfeiriad ei hun, fel:

• Theatr
• Amgueddfa
• Oriel
• Llyfrgell
• Canolfan gelfyddydau aml-leoliad

Gyda Chyfrif Blasu, gallwch greu proffil mynediad un lleoliad i weld sut mae I Bawb yn gweithio.

Ni fydd y Lleoliad hwn yn cael ei restru’n gyhoeddus. Os byddwch yn dewis tanysgrifio i I Bawb, bydd eich cynnydd yn cael ei gadw a bydd yn cael ei drosglwyddo i’r cyfrif a danysgrifiwyd gennych.

Mae tanysgrifiad I Bawb hefyd yn datgloi’r gallu i ychwanegu parthau at broffiliau Lleoliad. Mae parthau’n rhannau o leoliad fel gwahanol orielau a mannau perfformio. 

I gael rhagor o wybodaeth, ewch i Cwestiynau Cyffredin am broffiliau mynediad Lleoliadau a Pharthau.

Cael gafael ar gymorth a chefnogaeth

Mae Canolfan Gymorth I Bawb yn cynnwys canllawiau ac erthyglau cymorth technegol i’ch helpu i ddefnyddio’r platfform.

Gallwch ddefnyddio’r Ganolfan Gymorth i ddysgu sut i wneud y canlynol:

• Rheoli eich Cyfrif
• Rheoli eich Sefydliad
• Creu proffiliau mynediad
• Gwahodd aelodau’r tîm
• Datrys problemau cyffredin

Beth i’w wneud nesaf

Bwriad Cyfrif Blasu yw eich helpu i gael golwg ar I Bawb cyn tanysgrifio.

Mae tanysgrifwyr yn cael mynediad at nodweddion ychwanegol, gan gynnwys:

• Y llyfrgell Safonau Hygyrchedd lawn
• Proffiliau mynediad lluosog
• Nodweddion rheoli digwyddiadau
• Cefnogaeth gan Arbenigwyr Mynediad

Gweler Nodweddion tanysgrifio i ddysgu mwy am beth mae tanysgrifiad yn ei gynnwys.

Gallwch danysgrifio unrhyw bryd drwy Ddangosfwrdd eich Sefydliad. Dewiswch Rheoli tanysgrifiadau. I danysgrifio, rhaid i chi fod yn weinyddwr eich Sefydliad. 

Angen help?

Os oes angen cymorth arnoch, cysylltwch â Desg Gymorth I Bawb:

E-bost: help@allin.zendesk.com